Memoria historikoa berreskuratzeko proiektuetarako 112.500 euroko laguntza onartu da elkarte eta fundazioentzat

Argitalpen-data: 

Aurten, Eusko Jaurlaritzak 112.500 euro bideratuko ditu Memoria Historikoa berreskuratzeko proiektuak finantzatzeko. Laguntza horien deialdia GOGORA Memoriaren, Bizikidetzaren eta Giza Eskubideen Institutuaren ebazpenean jaso da, gaur, Gobernu Kontseiluaren oniritzia izan duena.

Dirulaguntzak

Aurten, Eusko Jaurlaritzak 112.500 euro bideratuko ditu Memoria Historikoa berreskuratzeko proiektuak finantzatzeko. Laguntza horien deialdia GOGORA Memoriaren, Bizikidetzaren eta Giza Eskubideen Institutuaren ebazpenean jaso da, gaur, Gobernu Kontseiluaren oniritzia izan duena.

Laguntza honen bitartez, Gerra Zibilaren biktima guztiak eta bere ondoren iritsi zen erregimen diktatorialaren errepresio politiko, sozial eta kulturalari aurre egin zieten pertsonak eta euren familiak betirako ohoratu eta gogoratu nahi dira.

Memoria historikoaren arloan, 1936tik 1977ra Euskal Autonomia Erkidegoan demokraziaren eta askatasunaren alde borroka zabaltzeko, ikertzeko eta berreskuratzeko, aurten, memoria historikoaren inguruan diharduten elkarteek eta fundazioek burutuko dituzten proiektuak diruz lagunduko dira.

Zehazki, honako jarduketa hauek sustatzeko bideratuko da laguntza:

  1. Gerra zibilaren eta diktaduraren errepresioarekin, erbestearekin, eta balio demokratikoen errealitate eta egoerarekin loturiko gertaerak eta prozesuak berritzera bideraturiko ikerketak egitea.
  2. Errepresioarekin, erresistentziarekin eta gizarte demokratikoa eraikitzearekin zerikusia duten pertsonak eta gertakizunak oroitzeko edo omentzeko jarduerak.
  3. Elkarteak antolatutako hedapen-jarduerak: jardunaldiak, mintegiak, aldi baterako erakusketak eta liburuxkak.

Dirulaguntzak eskatzeko epea ebazpena Euskal Herriko Agintaritzaren Aldizkarian argitaratu eta hurrengo egunean hasiko da, eta handik hilabetera amaitu.

Eskabideak bitarteko elektronikoen bidez aurkeztu behar dira, www.euskadi.eus edo Gogoraren web atariaren bitartez egoitza elektronikoan sartuta.